Bloggverkfall og fasteignir....
 
Jæja maður er alveg að skíta á sig að skrifa...suss...Það er bara svo mikið búið að vera gera, sósíal-lífið alveg að fara með mann...haha

Nei, það sem tekur mestan frítíma minn núna og reyndar vinnutíma líka;) eru fasteignir! Er í beinusambandi við mbl.is/fasteignir 24/7! Það er svipað og að opna jólapakka þegar ný fasteign er skráð á sölu, haha já svona getur maður verið klikkaður. En þegar maður er búin að sía allt sem er á markaðnum er gaman að sjá þegar eitthvað nýtt er sett á sölu. Kvensurnar í vinnunni eru orðnar heilaþvegnar með mér í þessu, og ættu nú að fá fálkaorðuna fyrir hjálpsemi því þær eru öflugar í því að kalla á mig ef þær sjá e-d sem þeim lýst vel á, koma með hús og hýbýli í vinnuna og þylja reglur íbúðarlánasjóðs utan að! Ekki má gleyma Maju sem er náttlega superman/woman í fasteignaleitinni ...ég er ekki frá því að við tvær ættum að skella okkur í þennan bransa;)

En nóg um það....í bili;) Versló á næsta leiti og allt óákveðið hvar maður endar. Hættum við Vestmannaeyjar, ég man nánast einungis  eftir fluginu heim í fyrra þar sem ég og klósettið í flugvélinni urðum aðeins of  "close" hmmm...vibba þunn og ...pjúk, held ég þurfi ekki að segja meir! Þess vegna verð ég bara með vatnsbrúsa með klökum og sálmabók í hinni hendinni í ár....*hóst*

Minns er með hálsbólgu dauðans! Ekki beinlínis spennandi að fara til læknis og komast kannski að því að maður sé með strepftókokka (hvurnig í fjand....er þetta skrifað) rétt fyrir verslunarmannahelgina! Það yrði ekki vinsælt:(
jæja, ætla hita te fyrir hálsbólgínu:)