góóóóð helgi....

Frábær helgi að baki....verst hvað helgarnar líða alltaf super hratt, maður er rétt komin úr vinnunni á föstudegi, þá er maður að mæta aftur á mánudagsmorgni:(
Föstudagurinn var tekin rólega til að hlaða batteríin fyrir rosalegan laugardag, fór í óvissuferð með nokkrum skvísum og það var rosa dagskrá. Mættum kl. 9.45 upp á Nordica og vissi náttlega ekkert hvað ég væri að fara gera....bara reddý í allt (með regnfötin, bikiní, djammföt ..bara allan pakkann!) Þá var ferðinni heitið í Þjórsá í rafting, rosa stuð, vorum dúðaðar í blautgalla og stukkum í bátinn og róuðum eins og við hefðum allar verið sjómenn í fyrra lífi! Ég hefði reyndar verið til í aðeins meiri aksjón, svona kannski að báturinn hefði hvolfast og smá adrenalínflæði en það er kannski ekki hægt að miða við mig....soddann Rambó í mér;)
Því næst var borðað og skolað niður með breeeezer-um, farið í sund til að hita okkur aðeins upp, svo vorum við keyrðar upp í Heiðmörk og þar biðu okkar hermannagallar og rifflar!! Ég hélt bara á tímabili að nú væri skyldan að kalla og við værum á leið til víetnam....en nei þetta var algjör snilld. Þetta er eitthvað alveg nýtt og kallast M16, maður fær riffil sem stendur á hversu mörg skot,handsprengjur og líf maður á og svo er það bara BATTLE! Reyna að verða ekki skotin (þetta er sko laser skot...ekkert blóð;) Þarna sameinuðust kallarnir okkur og það var spilað stelpur á móti strákum...gífurlegur hiti og sviti....Haldiði að kallinn minn hafi ekki drepið mig...og það nokkrum sinnum...suss!

Eftir þennan ærslaleik var farið í sturtu og þvínæst út að borða á Fjörukránna. Þar var þvílíka stemmingin og dansað upp á borðum og sumir fækkuðu fötum osfrv. Við stelpurnar tókum einn kínverjann allsvaðalega í gegn...tókum þéttan dans við hann og hann var farin að halda að hann væri dáinn og kominn til himaríkis...eða jafnvel helvítis....5 blindfullar íslenskar kellingar að dansa við hann og rífa hann úr spjörunum. Held hann hafi verið orðinn hræddur á tímabili, veit ekki hvort hann snýr heill heim;) Þegar við vorum búin að brjóta nóg af glösum og stappa nóg á borðum á Fjörukránni var farið á Ölver í karókí og haldið áfram að hneyksla landann....Sveppi og Auddi sáu samt aðallega um þann part! Að lokum var það svo gamli góði bærinn.

Alltaf gott að halda í hefðir og enda góða helgi á góðum bragðaref:)))